വാഷിങ്ടണ്: അമേരിക്കന് ചാരസംഘടനയായ സി.ഐ.എയുടെ രഹസ്യറിപ്പോര്ട്ട് പുറത്തുവിട്ട് വിക്കി ലീക്ക്സ് അമേരിക്കയെ വീണ്ടും ഞെട്ടിക്കുന്നു. സി.ഐ.എയുടെ 'റെഡ് സെല് മെമ്മോറാണ്ടം' എന്ന് വിളിക്കുന്ന അതീവ രഹസ്യസ്വഭാവമുള്ള രേഖയാണ് പുറത്തുവന്നിരിക്കുന്നത്.
'എക്സ്പോര്ട്ടിങ് ടെററിസം' എന്ന പേരില് 2010 ഫെബ്രുവരി 2-എന്ന് തീയതിയിലുള്ള സി.ഐ.എയുടെ മൂന്ന് പേജുള്ള റിപ്പോര്ട്ടാണ് വിക്കി ലീക്ക്സ് പുതിയതായി വെബ്സൈറ്റിലൂടെ പുറത്തുവിട്ടിരിക്കുന്നത്. അമേരിക്കയാണ് ലോകത്തെ തീവ്രവാദ സംഘടനകളെ തങ്ങളുടെ താല്പര്യങ്ങള്ക്കനുസരിച്ച് വളര്ത്തിയത് എന്ന ആരോപണം എന്തുകൊണ്ട് സംഭവിക്കുന്നുവെന്നതിന്റെ വിലയിരുത്തലാണ് റിപ്പോര്ട്ടിലുള്ളത്.
ഹെഡ്ലിയുടെ അമേരിക്കന് പൗരത്വം, അമേരിക്കയില് പിടിയിലായ പാക് പൗരന്മാര് എന്നിവ സംബന്ധിച്ചും റിപ്പോര്ട്ടില് പറയുന്നുണ്ട്. അഫ്ഗാനിസ്താനിലെ അമേരിക്കന് നടപടികളുടെ 90,000 റിപ്പോര്ട്ടുകള് ലോകത്തെയും അമേരിക്കന് ഭരണകൂടത്തേയും ഞെട്ടിച്ചിട്ട് അധികനാളായില്ല. അഫ്ഗാന് യുദ്ധ റിപ്പോര്ട്ടുകളുടെ 15,000 രേഖകള് കൂടി പുറത്തുവിടാനിരിക്കുകയാണ് വിക്കി ലീക്ക്സ്.
0 comments:
Post a Comment